外賣平台 Foodpanda 的送遞員，不滿資方降低每張接單的服務費底價、自僱人士保險不足、派送系統混亂等，昨發起工業行動。今日送遞員續有抗議行動，在北角永昇中心一間 pandamart 門外，有約10人高叫口號，「Shame Shame Foodpanda」、「Foodpanda Cheater」等。

其中一名參與罷工的步兵小唐，是今天最早抵達北角參與行動的人。他今年7月起為掙外快，加入Foodpanda，成為港島區「步兵」。不過，他發現上月起服務費調低，加上他一直不滿Foodpanda 政策，故參與兩日罷工。對於參與人數較昨日少，他認為雖然今在北角的行動「冇人嚟」，但他認容這是「靜默罷工（Silent Strike ）」，「我哋唔接單、唔幫熊貓做嘢、唔一定會企出嚟，唔做嘢已經係罷緊工。」

他希望，即使其他送遞員，即使要接單，也不要接pandamart 的單。Pandamart 是Foodpanda 旗下的網上超市。小唐解釋，由於pandamart 由Foodpanda創立，較有標誌性，加上pandamart 需要送遞員送米、水等非常重的貨物，但單價與外賣卻是完全相同。

「佢唔會考慮你係一個步兵、車手定係單車手，就算係好重嘅嘢，一箱米一箱水 佢都可能會派畀一個步兵，對於我一個步兵嚟講，我係完全拎唔到呢啲嘢 。」如果到場發現自己力有不逮，只能轉單，但人工便會減低。

Foodpanda 昨晚發聲明回應，稱注意到有部分送遞員公開表達意見，他們的意見已獲悉，又鼓勵成員提出意見，樂意於下星期安排討論會；又指如送遞員積極於繁忙時段接單，收入不跌反升。

小唐認為，Foodpanda 的聲明只非為了回應他們的訴求，只是寫給市民大眾，又反問在不斷降低單價的情況下，「有咩可能我哋嘅人工會高咗？」他說，會繼續罷工，直到foodpanda 回應訴求為止。「行動要令佢哋覺得冇咗我哋唔得，佢嗰啲所謂回覆我覺得完全唔可以接受。」



原文：https://www.thestandnews.com/society/foodpanda-罷工步兵小唐要令佢哋覺得冇咗我哋唔得