人漸長大，投入職場後開支就自然增多，舉凡食飯交通以至各種應酬，隨時令人荷包乾塘，但礙於社交及工作需要，以上支出自不可慳，可謂有苦自己知！有網民日前就在討論區抱怨，指公司事無大小，總愛夾錢，一年間已被迫奉獻萬多元，令他大感吃不消！



網民「借東風」在討論區訴苦指，其公司經常要求同事們夾錢，例如買零食、食飯、同事生日、六合彩等，不過原來樓主不愛零食又自己帶飯，但礙於規矩，唯有勉為其難夾錢。而遇着一些特殊情況，如替老闆兒子的學校義賣、或者同事生仔、結婚、離職甚至離世，樓主亦逃不過要夾數的命運。另外，更曾有女同事要求購買按摩椅、按腳機、減肥圈及啞鈴等用品放在休息室，稱是為了大圍福利，樓主最終被迫就範夾錢，一年來所耗不菲。但樓主月入其實只有萬多元，更形容做了一年工，有一個月糧是要「夾返出去」，實在非常肉赤。



一眾網民都取笑樓主與水魚或慈善機構沒有分別，並批評其公司的夾錢文化如同打劫。亦有人諷刺指，如果樓主每次都要夾錢，恐怕隨時會破產，希望樓主可以學會開口拒絕，不要再愚蠢地夾錢。另外有網民批評，其實是其老闆開了壞規矩，自己孤寒小家卻叫員工夾錢。不過有精明網民就獻計，建議樓主大可反其道而行，向同事稱屋企要維修大廈外牆，要求同事夾錢，或者去向大家提議買一輛法拉利輪流揸，甚至開口要求同事夾錢，給自己買樓。



網民有話說



ninebirds：唔食都要夾? 擺明玩你啦。

YNWA_Ella ：一係夾，一係走。你已經洗濕咗個頭

Raul200609：你班同事都傻傻地(哋)，番(返)工目的係為咗搵錢定夾錢？要搞function(活動)要飲飲食食就自己夾，關人咩事?

pqi：有時唔夾又畀人覺得唔合群



※緊貼網民熱話，掌握最熱話題，請關注網民熱話fb： http://on.fb.me/1L3m1ro



【on.cc東網專訊】 http://hk.on.cc/hk/bkn/cnt/news/20160303/bkn-20160303113549339-0303_00822_001.html