上次講左暑期搵工tips，今次再同你深入講下求職信同履歷有咩要留意。

 

 

1.  清清楚楚

HR每日睇的求職信少則幾十，多則幾百幾千。所以麻煩各位求職者，生生性性係email title打清楚你想應徵什麼職位，否則HR真係睇都唔睇就delete你封信。

 



2. 一針見面

同樣，作為一個HR每日都要睇幾十幾百幾千封求職信，佢地真係無甘好心機去仔細看你封求職信。麻煩最好200字～300字內，清清楚楚交代幾個問題

－你是誰                               (甘都要簡單講下自己姓什名誰既）

－你應徵咩工                      （唔好以為title提左就唔洗係內文講）

－為什麼要應徵依份工？    （唔好同我講來學野）

－為什麼要請你？              

（請講下你有咩價值，幫到公司咩手。公司請你係解決問題，唔係俾你學野！）

 



3. PDF! PDF! PDF!

因為好重要，所以講3次。記得記得要附上履歷，而履歷記得記得要係PDF Format。你要知道唔係個個人都用word，就算HR甘有心機開到來睇，都有幾問因為各式各樣電腦問題而格式移位。你都唔想因為電腦問題而令人覺得你封履歷亂甘來。雖然PDF都有機會出事，但至少機會低點。

 



4. 一頁KO!

履歷最好是一頁起，兩頁止。多過兩頁，祝你好運。同樣地，HR每日看甘多履歷，你難道要佢再睇你甘多頁？如果你話你不能將履歷變成一頁起，兩頁止，那就間接證明你不懂整合資訊，不知那些最重要，不知那些有用，什麼東西都通通放入去。你連自己的人生履歷都無法整合，難道你可以幫我公司整合有用的資訊？



- http://www.hkgoodjobs.com/insight.php?p=1393&cat_id=14