不少上班族工作期間會碌Facebook，跟同事吹吹水，check email，拖拖下，本來可能只需兩小時才完成的工作，變成一整個下午都未能完成！這種職場「拖延症」形成的原因，除了因為易分心，以為自己好快手外，還有何原因，可如何改善？



有研究指出，「拖延症」其中一個成因，是過份依賴同事，例如「要等埋Francis個份part先搞掂，我都唔想嫁！」而過份依賴會產生負面情緒，亦會影響工作表現。研究人員指出，拖延工作會產生自我埋怨，嬲自己點解成日拖野做。



另一個原因是過份追求完美，但過份完美不一定要有好表現；相反，完美主義加上拖延習慣，會產生焦慮及情緒低落。



加拿大卡爾頓大學研究發現，為追求完美而拖延工作，可能是由於害怕出錯，故會花很多時間作考量；然而，若做決定時猶豫不決，左思右想，可能會作出較不理性的決定，得不償失。



故普林斯頓大學McGraw Center for Teaching & Learning建議上班族，若要改善拖延情況，減少被「腦細」話，需找出拖延原因，可能是與習慣或想法有關，再針對痛點作出改善。



若情況較嚴重，建議可從最細微工作開始，要求自己在限定時間完成，完成後給自己小獎勵；此外，亦可寫一張To-do list，並嚴格執行，慢慢重新建立信心，才能改善拖延習慣，提高工作效率。



- topick.hket.com/article/1455871/Hea做工作「拖延症」作祟？