又到暑期實習季節，做緊或者即將做intern（實習生）的你，有無諗過實習生又可能變長工？以下15招職場秘技，可能幫到你。



1/ 做好準備：溫習公司及行業資料，留意公司最近新聞。



2/ 實習當正職做：想人認真對你，先要認真對份工。無論咩職位，你的貢獻（或錯誤）都會影響到公司和同事，唔好睇小自己的重要性。



3/ 人靠衣裝：要著到好似你想上的崗位，而唔係你做緊個位，唔好under dress。



4/ 執多套衫：擺多條呔或對高跟鞋喺公司，事關你唔知幾時會被「臨危受命」出席重要會議或酒會。



5/ 唔識要問：放膽問，總好過你亂做又做錯。但問過就要記住，唔好問完又問。



6/ 管好時間：唔好一次過攬太多job上身，做唔切要提早同人講，唔好死頂完後又趕唔到deadline。



7/ 學會適應：唔同人有唔同做事與溝通方法，學會適應。



8/ 建立人脈：唔係齋social或吹水，而係與同事建立更有質素的關係。



9/ 帶眼識人：建立人脈之餘亦要保護自己，唔好咩都話晒畀人知。



10/ 拜師學藝：向上司或同事請教經驗。你敢問，就有得學。



11/ 要聽指引：自告奮勇係好，但唔好爭住做叻唔切，做好一、兩樣，好過孭得多但無樣妥。仲有，就算有自信，實習係學嘢，要聽人指引。



12/ 要識拒絕：做intern或新人，預咗要做啲好悶嘢，但若真係畀人搵笨，要識拒絕，你係去實習，唔係去做水魚。



13/ 挑戰自我：試啲自己未做過的事，豐富自己的portfolio。



14/ 記低成果：方便日後求職。



15/ 主動詢問：主動定時問下人，評估自己做成點，睇清自己強項與弱項，取長補短。



- https://www.ctgoodjobs.hk/news/必學-實習上位15招秘技/847875374