【東方日報專訊】「再過幾日就係奧運開幕，今日天氣又咁好，陽光普照，等我跑步應吓節先！」望着窗外藍天白雲，安仔穿上帆布鞋便開始在運動場上跑步。跑了幾分鐘，安仔覺得酷熱難當、大腿疼痛，但難得來到運動場，沒理由半途而廢，便繼續跑了半圈。安仔突然眼前一黑，暈倒在跑道上，救護員到場為他急救。



「先生，你醒啦？」救護員詢安仔。

「發生咩事呀？你喺邊個呀？」安仔問。

「先生你頭先係運動場暈倒，有人報警，我哋救護員來同你急救。」救護員說。

「暈低？」安仔問。



運動前先做足熱身

「請問先生係咪喺度跑步？你可能中暑！加上你着錯啲鞋襪，又無做熱身，引致你腳抽筋，真係好危險呢！運動有益身心，可以強化心肺功能，亦可促進血液循環，以減低患病的風險。不過，運動前必須做足熱身運動。



享受戶外活動時，如天氣酷熱，就要避免長時間暴曬，多飲水同補充電解質。合適的運動服裝係必須，即使對鞋好舒服，都要穿上襪子。體能較弱、過重、慢性疾病患者或有關節毛病人士，可按教練建議同個人體能情況由較短及輕鬆的運動做起，例如健步行等，身體適應後，先慢慢延長練習時間及強度。練習後亦需要充分休息。如有健康問題，例如患心血管病、糖尿病、關節毛病、胸口痛或暈眩症狀，記得先徵詢醫生或專業人士意見呀！」救護員道。



「嘩！原來做運動都咁多安全要點！我以後會留意啦！」安仔說。



- https://hk.news.yahoo.com/職場健康-運動安全要做足-快樂健康又滿足-220503189.html